ပြည်ထဲရေးဝန်ကြီး ဗိုလ်ချုပ် ကိုကို အပါအဝင် " စစ်အရာရှိကြီး နှစ်ဦး စစ်ရာဇ၀တ်မှုတွေမှာ တာဝန်ရှိကြောင်း ဟားဘတ် အစီရင်ခံစာဖော်ပြ"

မြန်မာနိုင်ငံမှာ ၂ဝဝ၅ ခုနှစ်ကနေ၂ဝဝ၈ ခုနှစ် အထိ ၆ နှစ်အတွင်း ကရင်ပြည်နယ်အရှေ့ပိုင်းမှာ ဖြစ်ပွားခဲ့တဲ့ ထိုးစစ်တွေမှာ ပေါ်ပေါက်ခဲ့တဲ့ စစ်ရာဇဝတ်မှုတွေနဲ့ပတ်သက်ပြီး တပ်မတော် အရာရှိကြီးတချို့မှာ တာဝန်ရှိကြောင်း အမေရိကန်ပြည်ထောင်စု ဟားဘတ်တက္ကသိုလ်က ထုတ်ပြန်တဲ့အစီရင်ခံစာတစ်စောင်က ဖော်ပြလိုက်ပါတယ်။

ဟားဘတ်တက္ကသိုလ် ဥပဒေပညာကျောင်းရဲ့ နိုင်ငံတကာလူ့အခွင့်အရေးဌာနက ကြာသပတေးနေ့ မနေ့က ထုတ်ပြန်ခဲ့တာပါ။ မြန်မာနိုင်ငံမှာ ဒေသခံ ၁၅ဝနဲ့တွေ့ဆုံမေးမြန်းပြီး လေးနှစ်ကြာ ပြုစုခဲ့တဲ့ အဲ့ဒီ အစီရင်ခံစာမှာ ကရင်ပြည်နယ် စစ်ရာဇ၀တ်မှုတွေနဲ့ပတ်သက်ပြီး ပြည်ထဲရေးဝန်ကြီး ဗိုလ်ချုပ် ကိုကို၊ တပ်မတော် အထူးစစ်ဆင်ရေးအဖွဲ့မှူး ဗိုလ်မှူးချုပ် ခင်ဇော်ဦးနဲ့ နေပြည်တော်စစ်ဌာနချုပ် တိုင်းမှူး ဗိုလ်မှူးချုပ် မောင်မောင်အေးတို့ကို တာဝန်ရှိသူတွေအဖြစ် ဖော်ပြထားပါတယ်။
အဲ့ဒီအချိန်က ကရင်ပြည်နယ်အတွင်း ကေအင်ယူကို ထိုးစစ်ဆင်ခဲ့ရာမှာ ရွာတွေကို မော်တာစိန်ပြောင်းနဲ့ပစ်၊ မီးရှို့၊ အရပ်သားတွေကို သတ်ဖြတ်တာတွေအပါအဝင် လူမဆန်တဲ့ ရာဇဝတ်မှုတွေကျူးလွန်ခဲ့ကြောင်း၊ တွေ့ဆုံမေးမြန်းခဲ့သူတွေထဲမှာ စစ်သားဟောင်း ၇ ယောက်ပါဝင်ခဲ့ပြီး၊ တစ်ယောက်က စစ်တပ်ကအုပ်စုလိုက် အဓမ္မကျင့်ခဲ့တဲ့ဖြစ်ရပ်တစ်ခုကို တွေ့မြင်ခဲ့တယ်လို့လည်းဖော်ပြပါတယ်။
ဒီအစီရင်ခံစာဟာ ဟားဘတ်တက္ကသိုလ် ဥပဒေပညာကျောင်းထွက် သမ္မတ အိုဘားမား မြန်မာနိုင်ငံကို မသွားရောက်ခင်ထွက်ပေါ်လာတာပါ။ အမေရိကန်အစိုးရ အကြီးတန်းအရာရှိတစ်ဦးကတော့ အိုဘားမားအနေနဲ့ မြန်မာ့ပြုပြင်ပြောင်းလဲရေးလုပ်ငန်းစဉ် ရပ်တန့်နေတာကြောင့် ပိတ်ဆို့အရေးယူထားတွေ ဖြေလျှော့ပေးတာ၊ စစ်တပ်ချင်းစစ်ရေးအရ ပူးပေါင်းဆောင်ရွက်တာ စတဲ့ ဆုအကြီးစားတွေ ပေးမှာမဟုတ်ကြောင်း ပြောဆိုပါတယ်။

Posted in: သတင်းကဏ္ဍ